如何成為FANG工程師 — 香港中學篇
我要利申, 我中學可以話係冇讀過書, 我係會考年代, 雖然中英數係合格, 但唔好話3大, 我連U都未必入到, 你當我5科合格之流算啦, 之但係咁, 其他科炒晒都冇問題, 你中英文一定要合格, 我之後會講原因.
香港中1,2既你, 你都仲可以HEA下, 中3開始可以既話就發下力, 唔得既話就要問下屋企人有冇得比錢你中6之後過外國讀, 冇既都唔係問題, 我會盡量list晒所有方案. 首先, 有成績又輕鬆入到香港或者外國既大學, 可以睇個list既第2點或者skip去之後既大學篇.
- 冇成績但有完全足夠錢又打算留學
如果你屋企人講明有錢去外國讀,有得課金, 咁你當然輕鬆好多, 英國我唔太熟, 我唔覺得會相差太多, 我講美國同澳洲.
澳洲黎講唔駛諗, 8大foundation 上返8大, 其他路係行唔通既, 所以你中學DSE既分一定要入到8大foundation, 非常簡單, 唔夠分唔駛諗澳洲. 澳洲有個特別簽證EB3去美國做野, 可以考慮先去澳洲成為公民再過美國或者留澳洲 (G澳洲都有eng office, F同N係冇)
美國你有錢就主力諗加洲, 華盛頓洲啦, NY就唔太岩, 本身果邊既大學一係太勁,一係盲就唔算FANG主力會招攬. 華盛頓洲既大學你只可以入一間UW, 加洲就UCLA, UCB, UCSD, UCSB, UCD都有機會, 有時UCSC都有, 所以有錢首推加洲. 咁如果你DSE炒左, 公開既秘密, 就係CC上大學, 過往成績就唔理架啦, 你TOEFL考得好咪唔駛讀咁多英文囉, 數好你咪讀少啲數, 係中文如果DSE唔合格有啲CC或者大學要你再讀second language, 係麻煩者.
加洲熱門CC就GOOGLE下就知, 咩人申請都讀得架啦差唔多, 考咩科都冇所謂, 總之你要入到UC TOP果幾間, CAL STATE除左SAN JOSE STATE之外都係難入FANG既. 入到大學係可以轉科既, 你入到ucla ucb既話minor cs 就ok.
所以唔駛富豪, 只要你屋企夠錢比你讀得晒1年ESL加4年大學, 你中學可以HEA讀.
2. 冇成績想留學有些少錢但唔夠錢去加洲或者要高CP值
你有能力去加洲讀名牌大學就緊係好啦, 咁冇又可以點? 呢段可能係最實用, 你有心上linkedin search下, 你會發現FANG其實好想每個TEAM都好diversify, 者係話, 除左唔同國家, 連美國本土都想要唔同學校既學生, 係呢個位就有個小捷徑啦, 雖然fang會去一流既大學招募, 比例上係有多啲學生去到FANG, 但其實地區名校一樣有面試機會, 分分鐘仲多同高. 咁你就可以搵一啲大學係ranking 100名內(我自己用us news) 又係果個洲最勁果間U, 再search下,你會搵到好多大學同當地CC都有transfer agreement, 好多都講明只要你之前SIGN定個AGREEMENT 係CC既GPA過3.0, 佢就會收你, 比起係加洲, 可以學到真正美國local文化, 學費同屋租又平超多(差唔多平一半), USD$1000–1200兩間房, 者係你同人夾就$600, 加洲是但1個人租都要過千, 所以絕對抵玩得多, 但前提係你要頂得順落雪.
例如 https://admissions.wisc.edu/transfer-agreements/
係美國CC拎GPA 3.0只要有上足堂做足功課應該就冇咩難度, 所以好好咁上網search下大學再搵CC, 你一樣可以輕鬆唔駛點理個DSE.
3. 冇錢又唔高分又想留學
屋企真係好冇錢, 你又炒左DSE, 咁點算?唔駛放棄住, 你一樣可以係香港讀CC, tran過去美國既大學, 排名未必好似1同2咁咁好, 但如果上唔到香港3大, 你可以考慮下返一年工, 自己儲錢再去美國讀埋yr3,4
例如 https://admissions.ku.edu/plan
我知香港有間agent推呢間, 間agent名我唔會開, 唔會同佢賣廣告, 間U唔算好, 但都唔算差, 你上linkedin search下係有人考到入FANG既
呢個方案你就要考好小小DSE, make sure你入到香港既CC.
簡單黎講, 唔係叫你唔讀書, 但你中3入唔到理科, 中6 DSE炒埋都唔算奶野, 你只有良好既中英數, 上到CC先想真章, 所以中學唔駛太過擔心, 人生未完, 遊戲先岩岩開始.
不定時更新
